【以前鍾意行街食飯睇戲，而家最享受一齊敷Mask護膚】
近排同豆姐結婚同居，除咗我變做家庭主夫之外，本來以為生活無乜改變，因為同豆姐已經相處咗好多年，我連佢每日去幾多次廁所都知得一清二楚！
但原來，「一齊生活相處」真係兩回事，以前每次約會都會特登搵節目，去街、食飯、睇戲…好好珍惜放工見面嘅時間，每晚送豆姐返屋企都依依不捨。
而家就唔同了，差唔多佢放工時間，就會打電話畀佢：「死婆！捨得返嚟未！煮好飯喇！」
我好享受兩個人喺屋企相處嘅時間，有時放假都唔想出街。
喺我洗衫、掃地、洗廁所、煮飯嘅時候，
望見豆姐成隻海獅咁攤喺梳化睇劇，仲叫我幫佢斟杯水嚟飲吓…
幸福嘅感覺就由心湧出嚟。
除此之外，就係夜晚攤喺床敷面膜。
腦袋放空，閉起雙眼，傾吓工作、傾吓日常生活、講下啲不設實際嘅話題。
我覺得呢段時光雖然無聊，但正正呢個短暫嘅無聊時光。
先係兩個人嘅「相處」。
生活節奏快，工作忙碌，我地好難得有完全空白嘅時間。
最近，豆姐仲開始對我皮膚嫌三嫌四，話我皮膚乾，眼袋又大…
每晚沖完涼訓覺，佢做嘅所有護膚功程，我都要被逼做埋一份。
敷緊面膜既時間，佢開始介紹自己用緊嘅護膚產品…
豆姐：「你知唔知啊～而家用緊嘅係MESO MASK「十全大補」面膜，可以幫你保濕、提亮、去黃、去暗啞…仲有HYDRA-HYAL 玻尿酸保濕精華，有齊4種透明質酸可以幫你24小時長效保濕添!」
「呼…呼…」我。
「喂！你訓著咗啊？」豆姐
「無！傻啦邊有啊，我只係閉目認真咁喺腦海入面抄低妳所講嘅嘢…」其實我真係訓著咗。
「即係訓著咗啦！不過順帶一提，呢啲護膚品全部都係你畀錢買㗎。」豆姐。
「…就係頭先一句，我成個人都醒晒啦…」
Laboratoires Filorga
#filorgahk #十全大補面膜 #保濕去黃 #妝前補水神器 #豆姐就算變成海獅咁嘅樣我都鐘意嘅 #不過你話買就買啦 #豆姐話事
Search